استشير رئيس التحرير: د.أميمة السيد
مقالات مشابهة
أنا متجوزة من حوالي 3 سنين ومعايا طفل عنده سنتين بحب جوزي اوي ومش عايزه اخسره لأي سبب لان متعلقه بيه جداً حصل موقف مش عارفه اتصرف فيه ازاي اكتشفت ان امي علي علاقه مع جوزي وبتكلمه وبينهم كلام كتير وأكيد انتم فاهمين انا قصدي ايه وللأسف مصورها اسكرينات وكل ما يحصل بينا أي خلاف سواء بسيط او كبير يفضل يعايرني وحصل بينا خلاف وصل انه قال لأهله أمها مش كويسه وكسر خاطري وكل ما يتكلم يقولي انا كاسر عينك وهحط عينك في التراب اكتر واكتر هو حالياً مسافر وانا خايفة اعرف ابويا حاجه زي دي يروح فيها وجوزي كل ما يكلمني يقولي خدي بعضك وروحي لأهلك وانا خايفه أروح أقول أنا جاية ليه ولا ايه السبب وفي نفس الوقت خايفه لما ينزل يوري الحاجات اللي معاه دي لحد زي ما بيقول ومش عارفه اتكلم معاه ولا قادره اتخطي الموضوع حاسه اني هعمل في نفسي حاجه صعبان عليا نفسي اوي وصعبان عليا ابني اللي لسه معرفش دنيا اعمل ايه فيديني والله العظيم حسه ان هيجرالي حاجه مش قادرة استحمل اللي انا فيه وجوزي رافض الكلام معايا نهائي وحتي لو إدالي فرصه اتكلم مش ببقا عارفه اقوله ايه مش جايلي عين اتكلم معاه أعمل إيه؟
(((الرد)))
عزيزتى..ربما كان زوجك يكذب عليكِ لكى يجعلك دائما في حالة خزى ورهبة منه، وذلك لغرض ما في نفسه، فعليكِ أولا أن تتأكدى من صدق روايته فربما ركب صور لتلك الاسكرينات وقام بعمل فوتوشوب لصور والدتك وظلمها، وحتي تتأكدى من ذلك فلابد من مصارحة والدتك بكل هدوء وسرية وستر بأن زوجك اعترفلك وأطلعك على ما بينهما، طمئنيها بأنك ستسترى على الموضوع ولكن لابد أن تحاولا البحث عن حل للموضوع، وبالتأكيد وقتها ستظهر لك الحقيقة..
فإذا كان كلامه صدق، فانصحي والدتك وذكريها بعقاب الله تعالى لها وكيف أنها تعرض سمعتها وسمعة والدك وانت وأخواتك بل وحياتها كلها لأكبر خطر، وإن أصرت على فعلها هدديها بدون عنف بأنك ستبلغى والدك وأخوالك..
وعموما إن كان زوجك كاذب أو صادق فلابد من التريث لحين عودته ثم ترسلي لنفسك من جهازه كل ما يقوم بتهديدك به وتحتفظى به في فلاشة خاصة بك، ثم تقومي بحذف كل ما يخص ذلك الأمر من جهازه نهائيا، حتى تستري الموضوع ولا تعطيه فرصة لابتزازك..
ولكن إذا كانت والدتك مظلومة فلكم أن تقاضوه قضائيا وسوف يُثبت حقها عن طريق التقنيات الحديثة..
ولكن يا ابنتى على كل حال سواء صدق أم هو كذوب فزوجك لديه اضطراب سلوكى ولابد أن تنفصلى عنه، فهذه جريمة كبيرة ارتكبها في حقك إن كان لفقها وإن كان هو و والدتك بالفعل على علاقة فالجريمة أكبر بكثير وفي الحالتين يجب أن تنفصلى عنه، إصبري واحتسبي كان الله بعونك.
